कुडाळ : आमदार निलेश राणे यांच्या संकल्पनेतून आणि सिंधुदुर्गचा राजा प्रतिष्ठानच्या वतीने कुडाळ येथे साकारलेल्या ‘सिंधुदुर्गचा राजा’ गणपतीचे सिंधुदुर्ग जिल्हाधिकारी तृप्ती धोडमिसे यांनी मनोभावे दर्शन घेतले. यावेळी त्यांनी गणरायाची विधिवत पूजा करून सिंधुदुर्ग जिल्ह्याच्या सुख-समृद्धी आणि सर्वांगीण विकासासाठी प्रार्थना केली.
‘हाकेला धावणारा, नवसाला पावणारा—सिंधुदुर्गचा राजा’ अशी भाविकांची श्रद्धा असून, गणरायाच्या दर्शनासाठी जिल्हाभरातून भाविक मोठ्या संख्येने उपस्थित राहत आहेत. याप्रसंगी कुडाळचे तहसीलदार सचिन पाटील तसेच सिंधुदुर्गचा राजा प्रतिष्ठानचे पदाधिकारी आणि कार्यकर्ते उपस्थित होते. प्रतिष्ठानच्या वतीने जिल्हाधिकारी तृप्ती धोडमिसे यांचे सन्मानपूर्वक स्वागत करण्यात आले.
