खासदार नारायण राणे, मंत्री नितेश राणे, आमदार दीपक केसरकर यांच्यासह पदाधिकारी – कार्यकर्त्यांची उपस्थिती
कणकवली : प्रतिनिधी
भारतीय जनता पार्टी आणि शिवसेना महायुतीच्या वतीने कार्यकर्त्यांकडून कणकवली येथे महानगरपालिकेच्या विजयाचा आज जल्लोष करण्यात आला. मुंबई महानगरपालिकेसह राज्यातील महानगरपालिकांवर भारतीय जनता पार्टी शिवसेना राष्ट्रवादी अशा युतीच्या माध्यमातून सत्ता प्रस्थापित करण्यात आली. याचा जल्लोष कणकवलीत प्रहार भवनच्या समोर करण्यात आला. प्रचंड फटाक्यांच्या आतषबाजी आणि घोषणाबाजी करत हा जल्लोष करण्यात आला. यावेळी, मुख्यमंत्री देवेंद्र फडणवीस, आगे बढो, खासदार नारायण राणे आगे बढो, प्रदेशाध्यक्ष रवींद्र चव्हाण आगे बढो, आमदार निलेश राणे, मंत्री नितेश राणे आगे बढो..हम तुम्हारे साथ है च्या घोषणा देण्यात आल्या तसेच महायुतीचा जयजयकार करण्यात आला. यावेळी खासदार नारायण राणे, मंत्री नितेश राणे, आमदार दीपक केसरकर यांच्यासह पदाधिकारी तसेच कार्यकर्त्यांची मोठी उपस्थिती होती.
