ज्येष्ठ पत्रकार संतोष वायंगणकर, भरत केसरकर व जतीन भिसे पुरस्काराचे मानकरी
पत्रकार दिनाच्या पूर्वसंध्येला पुरस्कारांची घोषणा
कुडाळ : प्रतिनिधी
कुडाळ तालुका पत्रकार समितीच्या वतीने दिल्या जाणाऱ्या पुरस्कारांची घोषणा करण्यात आली आहे. व्याधकार ग. म. तथा भैयासाहेब वालावलकर स्मृती जिल्हास्तरीय ज्येष्ठ पत्रकार पुरस्कार संतोष वायंगणकर (कणकवली), कै. वसंत दळवी ग्रामीण पत्रकार पुरस्कार भरत केसरकर (माणगाव) यांना तर व्याधकार ग. म. तथा भैयासाहेब वालावलकर स्मृती जिल्हास्तरीय छायाचित्रकार पुरस्कार जतीन भिसे (सावंतवाडी) यांना जाहीर झाला आहे.
कुडाळ तालुका पत्रकार समितीची सभा नुकतीच तालुका अध्यक्ष विजय पालकर यांच्या अध्यक्षतेखाली झाली. या बैठकीत हे पुरस्कार निश्चित करण्यात आले. या पुरस्कारांचे वितरण १६ फेब्रुवारी रोजी करण्यात येणार आहे. कुडाळ तालुका पत्रकार समितीच्या या बैठकीला जिल्हा पत्रकार संघाचे अध्यक्ष आणि कुडाळचे सदस्य उमेश तोरसकर, तालुका सचिव विठ्ठल राणे, उपाध्यक्ष रवी गावडे, विलास कुडाळकर, निलेश तेंडुलकर, निलेश जोशी जिल्हा कार्यकारिणी सदस्य राजन नाईक, ज्येष्ठ पत्रकार चंदू सामंत, प्रमोद ठाकूर, प्रमोद म्हाडगूत, अजय सावंत, गुरु दळवी, अरुण अणावकर, काशिराम गायकवाड, भरत केसरकर, प्रसाद राणे, वैशाली खानोलकर आदी पत्रकार उपस्थित होते.
