होळीदिवशीच दुर्घटना; कुडाळ पोलिसांची घटनास्थळी धाव
कुडाळ : प्रतिनिधी
कुडाळ – मालवण रस्त्यावर कुडाळ – नाबरवाडी येथे भीषण अपघात झाला. एक दुचाकीस्वार महिला रस्त्यावर फेकली गेली. त्याचवेळेस कुडाळच्या दिशेने येणा-या ट्रकच्या चाकाखाली सापडल्याने तिचे जागीच निधन झाले. सदरची महिला आपल्या दुचाकीने कुडाळहून नेरूरच्या दिशेने जात होती. हा अपघात आज सकाळी ११.१५ वाजताच्या सुमारास झाला. घटनास्थळी नागरिकांची गर्दी झाली असून कुडाळ पोलिसांनी घटनास्थळी धाव घेत पुढील कार्यवाही सुरू केली आहे. होळी दिवशीच हि दुर्देवी घटना घडल्याने सर्वत्र हळहळ व्यक्त होत आहे.
